Drum muessi etz wohl au mal no was über die wildä Stundentä partys schriebe. Wie ihr wahrschinli wüsset - i wohn ime Studenteheim (das isch allerdings eher chli abseitz)
Den gits da Aber no die eher Zentralere Wohnheim Names St.Olavs und Kongsgard Allé, döt steppt dä Bär.
Fritig vorere Wuche, BIG FLOOR party in st.olavs - sprich alli zimmer ufem Parterregschoss sind offe gsi, d party meh oder weniger ufem Gang.
Viel Alkohol. Viel Umeküsse. Viel au mit mehrere Lüüt. Ei huere züg. Ich zmitzt drin - natürlich nöd am Partizipiere.
irgendwenn hets mer den glanget und i ha da usglassne triebe müesse verloh.
Den da Wucheend - Donnstig wie immer "billig" go trinke - die Wuche mit dä Herrä vo Amerika.
Nögste Tag total zerstört id Schuel. Fritig schön brav nöd go party mache - dassi am Samstig den Fit bin für die nögst Wohnheimparty.
Die isch allerdings nöd im Gang gsi sondern - im Cheller, sprich Basement.
D Fraktion; Frankrich, Östrich und Schwiz - het sich entschlosse so am achti loszlaufe (obwohl uf dä iladig scho 18:00 uhr gstande isch) - naja öppe am halbi nüni acho und prompt, alli sind scho ziemlich betrunke gsi, allne vorah dä verastalter (britten), dä het den au nocher gfunde er hegi natürlich am sechsi agfange und gwartet bis alli lüüt chömed. Unglücklicherwiis mit Whiskey agfange - aber er het sich den au wieder chli erholt.
am nögste Tag den cheler putze - ghört au dezue - und igitt - es isch echt hässlich wenn mensche partys machet.
ich erspar eu jetzt die details.
Aber jo immer noni wahnsinnig viel spannig - eifach chli party und musik.
nögst Fritig den BAD TASTE! yeah.
 | |
| Party Donnerstag - im harveys...Britten and I |
 |
| Tristan and I, it was actually a UNBIRTHDAY party. |
Keine Kommentare:
Kommentar veröffentlichen