schon Oktober

...und das Wetter wird immer schlimmer.
Äs regnet eigentlich ziemlich viel und will das natürlich nonig langet, windets au no und däm sind au scho es paar regeschirm zum opfer gfalle. scheisse. min isch no halbe ganz.
Jo langsam aber sicher chömemer s harte norwegische wetter z spüre über. Und drum isch letscht wuche au nöd würklich viel glaufe. Han wie immer fascht kei schuel gha - was natürlich nöd so schlimm isch. Am zistig hemmer no ein schöne sunnetag gha, dä hani grad usgnützt und bin dä ganz nomittag, am meer ghöcklet han musik gloset und mis patti smith buech glese. Wahnsinnig schön.
S geilste natürlich: d Patti schriebt wie sie dihei sitzt und malt und musik lost, Strawberry Fiels vo dä Beatles. Und wie ich so lese, und bi mim Ipod dä Shuffle dine han, was chunt bi därä stell genau füres Lied. En Wahnsinns zuefall natürlich Straweberry Fields by The Beatles. En wahnsinns Moment - und ich han mich sehr guet gfühlt i dem moment. Und es paar stund spöter bini doch tatsächlich verschlafe währed em lese - und han dä Norwegisch Sprachkurs verpasst. Silly Me, aber nöd so tragisch.
Nochem Zistig isch den s Wetter aber ziemlich übel worde.
Die Wuche isch au im Zeiche gstande vom - am Abig nöd dihei umehocke.
Zistig: Wiiabig im Charlies - endlich wieder mal eis, zwei, drü, vier, füf - gläser Rotwii trinke.
Mittwoch: zersch in Sprachkurs, hüt hanis nöd verpasst und bin brav gange.Nocher hets gheisse das en Mit-ustusch-student es konzertli giit im charlies - und mir sind natürlich ab id city gradlet - leider hend die norweger das konzertli eifach abgseit.
Am Donnstig abig isch natürlich harveys agsait gsi - zersch zu dä Kerstin, us dütschland. go vorglüäh (preparty) - und den mit dä ganze mannschaft is harveys gstüechlet - i bin au ziemlich parat gsi a dem abig. aiaiaiai. heigange mitem anton, alex und kristian - wo den irgendwo es parkbänkli gfunde hend, entschlosse hend das mitzneh. zmitzt uf dä strass isches ihnä allerdings echli z schwer worde und sie hends abgstellt - und natürlich no es Hero Föteli müesse mache.
Fritig: isch eigentlich nöd so stimmig gsi fürs usegoh - mir sind jedoch glich zum Andi, en gmögige östricher, und hend döt chli vortrunke und hend gfunde mir gönd doch as oktoberfescht, das isch nähmlich nöd nur z münche gsi das wucheend, nei au z kristiansand. womer aber öppe am 11 vorem feschtzelt gstande sind isch es totehose gsi. drum simer den zum pir6 gschlenderet, wo schwuleparty gsi isch - und au ziemlich nix los. den halt ab in rockschuppe - und döt isch es denn ziemlich amüsant worde. DANKE NORWEGER, an dieser stelle. au wemmer stock nüechtern isch es isch immer es gaudi dene bim fiire zuezuluege.
Gester Abig: denn alli wieder voll in partyluune - zum Spanier Jose go vortrinke und den id stadt, so clever wie mir sind, es het gregnet in ströme, hemmer dä Bus gno. und hend no en churze stop bim mcdonalds igleit. dä cheesburger isch nur 10Krone.
Hend sechs kauft....füf übercho, dä tristan isch sich go beschwehre und het nomel zwei übercho. aber halt?! er het doch sechs übercho. und obwohl mer immer s gfühl hend d norweger seget unfründlich, streckt üs doch tatsächlich irgenden typ es frisches bier ane und findet das segi für üs. wie nett.
Im Pir6, lauft für min gschmack scheiss musik. Naja nöd so schlimm i bin ziemlich agheiteret gsi und a dere stell nomel DANKE LIEBI NORWEGERINE. agleit wie chlini nutte, jedi zwei het irgendwie ihri hose dihei vergesse und di andere, lönd eifach mal ihre brüscht a di frisch luft.
sehr sehr lustig.
Und hüt, wäsche waschen und sich auf die nächste woche freuen - weil TRIP nach bergen, trondheim und Oslo.
Bin also nicht online. SMS können aber geschrieben werden, allerdings nur auf die norwegische nummer. ChEERS.