Am mentig vorere wuche hemmer üsi norwegisch prüäfig gschriebe – han ja so en gratis kurs beleit. Und natürlich, hani dä au bestande und mi den churzerhand grad entschlosse no dä „advanced“ norwegisch kurs z bsueche – vilicht chani ja würkli so mini norwegisch künst verbessere.
S letschte wucheend also vom 22. – 24. Oktober simmer uf oslo gange mit es paar ustuschstudente. Zersch hemmer aber am fritig morge no „vorlesig“ gha, vo mim beat culture kurs us. Da isch aber ziemlich toll gsi – hend chöne i sone Halle wo sich Sprayboks nennt und üses eigene Graffiti spraye. Mini gruppe isch usem Britten (NJ, USA), dä laura und dä silvi (germany) bestande. Isch echt e lustigi erfahrig gsi. PANTS!
 |
| CREW: Pants (ich, britten, silvi und laura |
Mit dä Laura und dä Silvi, und dä Theresa hani mi den au uf di eis zum Busbahnhof gmacht, vo döt us simmer den uf oslo. Und well dä Philip (ebefalls dütschland) verpennt het hemmer am busbahnhof den auno uf ihn müsse warte. Tzzzzz. D Busfahrt Kristiansand – Oslo gaht ungefähr 5 stunde. I seg nieh nieh meh züri, bern, basel isch wiit weg! Das isch ja eigentlich grad um dä egge. Und i glaub 5 stund sind für norwege würkli öppe d strecki st.galle – züri. Naja egal zrugg uf oslo – i dä norwegische hauptstadt acho simer zersch mal i üsi jugendherberg, wo no anderi internationals icheckt hend (isch sonen organisierte trip gsi – mir hend aber wegem gangster – sprayer – tum verspötig gha)
Den hemmer den aber im Peppes pizza in aker brygge di andere erasmus studente troffe und mit ihnä znacht gesse. Und irgendwenn sind den au dä Dylan (iowa, USA) und dä mike (alaska, usa) i trudlet. Dä Dylan normal halt mit sim Gepäck fürs wucheend – dä mike NUR mit sinere wasserfläsche i dä hand. Hend mir ihn natürlich müsse froge ob er sus nix debi het. Nei er bruchi ja nüd – kei extra zahbürste. Das chan ja heiter werde, er isch nähmli au im gliche zimmer gsi wie ich.
Nachemer Sightseeing Day in Oslo hend d Silvi, d Theresa und ich, hend üs zersch dä ECHTI MUNCH SCHREI agluegt i dä nationalekunstgalerie und hend üs denn es netts „künstler“ kaffi in Grünerløkka gsuecht und en kaffi trunke bis mer den wieder retour id herberg sind, well alli ziemlich hunger gha hend – het dä rescht 2kg spagetthi (für 7 lüüt) kauft und mir hend mal probiert afange z choche. Probiert wells fasch öppe e stund gange isch bis s wasser kochet het. Naja am schluss sind d spagetthi echli overcooked gsi und es isch ganz viel übrigbliebe – klar toplösig mir stellet dä spagetthi topf in chüelschrank, chan ja sii das mer, wenn mir vom usgang heichömet üs en heisshunger überfallt hemmer ja no was z esse.
Alles abgwäsche isch es den i üses vierer zimmer gange „vorspiel“ ziit.
I weiss nöd wie viel lüüt das i üsem zimmer gsi sind, segemer mal gfühlti 50. S zimmerli isch nämlich proper volle gsi.
Alles trunke isch es den au scho ab id osloer innestadt inen club. Naja d musik isch ziemlich scheisse gsi und irgendwenn hani den nüme möge. Vor em heigo no churz in mcdonalds, en cheesburger het nonie gschadet (ussert er het es kilo mehl druf, wie am phil sin)...den ab uf dä nachtbus. Mal schnell i eine igstige, gar nöd gluegt wo dä anefahrt – nach öppe 20 minute fahrt irgendwo i dä pampa acho usgstiege – und nöd gwüsst womer sind. 10 minute i dä chälti gwartet bis den endlich dä richtig nachtbus cho isch – und ab is hostel, bz is nescht!
Am nögste morge, han den au ich erfahre das öppert am mike (wir erinnern uns, der typ der nichts mitgenommen hat ausser trinkflasche), sis portemonnaie klaut het.
Fuck – alli kreditkarte personaluswiis drin. Er isch den au ziemlich schnell mitem dylan uf dä zug richtig kristiansand. Und mir – ja mir hend no dä nacktäpark agluegt und sind den au am drü wieder uf di 5 stündig busfahrt retour uf kristiansand düset.
Tolls wucheend.
Und gester hani mir no für dä rescht vom Semester d mitgliederschaft vom übergrosse fitness und sportcenter spicheren gholt! EHREWORT! I gahn jetzt chli meh go schwimme – s fitnesscenter bsuechi jedoch nöd. Pffff...und den gits im november no Yoga und sicher au mal es paar lustigi tanz und step kürs ;)
Keine Kommentare:
Kommentar veröffentlichen