Mir sind nähmlich mit üsem Norway: Society and Cultur kurs am morge am halbi nüni (die spiinnet doch so früä) uf grimstad gfahre, zum döt uf d spure vo dä World Famous Dichter und Schriber Ibsen und Hamsun zgoh. was die seget eu au nix? naja dä ibsen sött mer scho kenne mini liebe.
Uf jede fall hemmer zersch (bi wunderschönem wetter), chöne chli go grimstad aluege - hend zersch die wunderschön und weltberüähmt apothek vo use chöne aluege wo dä Henrik ibsen anno dazumal gschaffet het. denn isch es wiiter gange zu dä bibliothek wo sich d grimstader endlich dezue entschlosse hend für dä Nazi Knut Hamsun (ja er het die Dütsche mit Liib und Seel understützt, aber sini Literatur isch weltklass ;)) en platz nach ihm z bennene und e statue anezstelle.
Den simmer zum "Hospital" wo eigentlich es "mental hospital" isch und dä Hamsun döt drin glebt het. mit achzgi und öppis, hetter gfunde er wölli etz en brief inen briefchaste werfe. aber oweh grad nebet dä psychi hets keine gha. also het sich dä alt knacker dezue entschlosse über dä berg z wandere.
obwohls grad bim ufstiig in wald e fucking bushaltestell gha hetti. senil.
uf jede fall simmer den dä wahnsinns weg au gange (echt krass wemmer mit achzgi da no chan) - und sind schliesslich zu dä absolut welt berüähmte sensation cho - im städli en chline rote Briefchaste, wo dä Knut Hamsun sis briefli igwohrfe hät.
Jo nach dem atemberaumende augeblick. hemmer üs den endlich im Henrik Ibsen museum chöne aluege wo das dä gueti herr gschlaffe het, wo er gschriebe het undso wiiter - alles wahnsinig spannendi sache.
Nach dem Museumsbsuech simmer ufes Schiff und ufe chlini Insle tuckeret - die het sooo herzigi hüsli gha und es het nur 19 lüüt wo döt druf s ganze jahr wohnet. d Kerstin und i hend plant mir chaufet üs döt sones herzigs hüsli und sind die 20. und 21. bewohner - mit Cafi Flämli Bar.
Nach dem churze ufenthalte uf därä liebe insle simmer mitem bott ganze drü stund ufem meer gsi - und hend vor allem die tuuusig qualle chöne bewundere - da hesch definitiv nöd wölle vo bord gheie. bäh du.
bis mer den so nachem füfi in lillesand acho sind. S boot het parkiert - leider falsch und het nomel müsse iparkiere.
und mir sind alli ziemlich kaputt in car ghockt und uf kristiansand gfahre. en würkli würkli spannende tag!
 |
| Aussicht, vom Trip von dem 80ig jährigen Hamsun. |
d fotene dezue dörfet ihr gern uf: http://picasaweb.google.com/113192380876577378069/TripToGrimstad?authkey=Gv1sRgCJ2a0frGvtrwHg&feat=directlink
Der trip in Bildern.....
Heute gehts ab auf die Dänemark Fähre, für 40 franken dürfen wir dann drei stunden à Discretions essen und trinken juhu. ich wird chugelrund und wahnsinns parat sii.
Keine Kommentare:
Kommentar veröffentlichen