...naja so viel neus gits ebe eigentlich gar nöd. S Wetter isch nüme so nett zu üs und mach üs ab und zue en strich durch d rechnig. aber naja i han ja Regehose und e gueti Regejagge debi. Aber beklage chömer üs glaub immer nonig. Viel passiert isch eigentlich siit em letschte itrag aber ganz ehrlich nöd viel. mir hend leider kein wiitere trip zu "The World Famous" Grimstad gmacht - aber halt oh doch i bin ja zwüschezitlich sogar no e stündli in Hirtshals, Dänemark verwiilet.
Am 7. September, aso gnau vonere Wuche bini uf dä grosse Fähre "Colorline" gsi und han di beschte sache i mich "gstopft" regelrecht.
Vo vorne. Mir hend üs chöne amelde für dä Fähretrip, sprich Name und Geburstdatum ageh. Den simmer am Zistig öppe um di zwei oder so vo üsem Wohnheim losglaufe.
Womer am Hafe acho sind - hets scho ziemlich viel Studente gha oder halt eifach jungi lüüt, vor allem natürlich viel liecht bekleideti norwegerine.
Mitme Tross vo öppe 30 Lüüt hemmer üs müsse dur d Menschemengi, imme ziemlich enge ruum, kämpfe, womer den üsi Tickets für d Fähre becho hend.
Dä Hiweg isch eigentlich ziemlich ruhig abglaufe. Drü stündli chli hänge, kaffi trinke, pläuderle und go Taxfree ichaufe.
In Dänemark acho - vo dä Fähre gange. und döt isch den los gange. Es risigs Tohuwabohu. Schreiendi und halbnackti Norwegerine im Schwankgang. Die Stund isch wahnsinnig schnell verbi gsi - was mir natürlich ziemli entegegecho isch, weil i han verdammt hunger gha - und jetzt chunts. Mir hend ebe Buffet plätz gha uf dä Fähre - sprich - mir hend im vorrus 250 NOK zahlt und hend uf dä Rückfahrt is Buffet chöne go ässe. Und das isch so ziemlich ziemlich geil gsi. Vo hummer über Muschle bis Kaviar, richtigs fleisch, geile Dessert und natürlich a delicious piece of shark. Bäh - ziemlich ekelhaft. Und s beschte Free beer and wine.
Jo ihr chönd eu jetzt sicher au vorstelle warum das all die Norweger so schwankend vom Boot glaufe sind - sicher nöd wegem Seegang.
I ha glaub nonie so schnell und viel gesse wie i dänä drü stund schifffahrt.
Ziemlich müed und kaputt simmer den um Mitternacht wieder z Kristiansand acho. Hend üs us dä Fähre kämpft und hend irgenden nette Norweger, dä Sven troffe.
Dä hät d Adriana, dä Thomas und mi spontan zu sich hei iglade. Mir hend gfunde ja warum nöd und sind mit.
Sin kolleg - leider het er minere meinig nah en ziemlich miiise musiggschmack well er findet O-ZONE, DJ-Bobo, s bescht wo giz uf welt - hät d musik usgwählt. Aber mir sind versorgt worde mit Café Baileys und Bier.
Ja i bin den glücklich am 5i am morge i mim bettli glegge und ha - immer no papp satt - wunderschön chöne usschlafe.
Mini Wohnheim - Mitbewohner hend nähmlich öppe am 4ieri us ihrne warme better schlüfe und id chälti usestah. Wieso?
FEUERALARM: und das chunt da öppe vor - nur i han nonie ein mitübercho. Well entweder bini nöd im Wohnheim gsi oder hanen überhört und wiitergschlafe.
Meistens wird er übrigens usglöst - well extrem betrunkni norweger s gfühl hend sie müesset im vollsuff eh pizza in offeschiebe - denn die nöd esse, nei lieber zersch nomel aneligge und schlafe - bis den soviel rauch i dä chuchi het, dass alli studente münd id chälti use. Aber ebe mir ischs bis etz wurscht gsi.
So das wärs für hüt. ich bin müde und geh jetzt pfausen. tschüss
übrigens ihr dörfet mir alles schicke woner wönd, bsunders natürlich alkohol (abgfühlt i PET-Fläsche)...ah Roligheden C112, Marviksveien 98, 4632 Kristiansand, Norge...natürlich hani au freud a poscht....
Keine Kommentare:
Kommentar veröffentlichen