Ja grundsätzlich bin i ja nöd sonen riese fän vo zoos, wie wahrschinli viel vo eu au nid. Aber jo dä zoo isch würkli schön gsi, d geg sind echt riisig gsi.
S Geilste sind d Wölf gsi. Zersch het mer nur Kreiä und Elstere gseh ums Fleisch ume schliche. Und plötzlich hetmer hine im Wald d Wölf gseh. Isch ziemlich unheimlich gsi irgendwie.
D Elch hani au ganz herzig gfunde. Würkli schnüssig obwohls so gross sind. Ja di meiste wüsset dasi es faible han sache herzig z finde wo viel gar nöd als herzig würdet bezeichne.
Jo die zwei tier sind eigentlich mini Highlights gsi.
Bi dä Leuä isch ziemlich cool gsi - well mer het duren "Gitterchefig" under em Leue gheg dure laufe. Brrr - so nöch bini würkli no keim Leu cho. Sehr idrücklich.
Und oweiha, mini PH kollegine werdet jetzt sicher en süfzer mache. Es Kokkaburra wär fascht i mi ine gfloge - leider hani ihn nöd ghört lache. Naja s lied langet eigentlich..
Jo i weiss nöd aber z viel verzelle willi eigentlich nöd, die wo d Fotene vom Zoo wönd aluege chönd mir schriebe und den gibi eu dä link fürs Foti album ;)
 |
| Moose // Elg |
 |
| Kokkaburra |
Jo und noch dene schöne jööö Bilder. chumi mal no konkret uf dä Trip z spreche womer plannt hend ;)
also Wuche 40 bini i dä ferie ;) sprich i bin nöd in kristiansand.
Weil mir gönd zersch mitem Zug übernacht uf Bergen, döt übernachtemer, den gömer mit dä Hurtigruten (von zistig bis donnstig, sone riese fähre, dur d fjord) uf trondheim. z trondheim hemmer den en tag zum chli umezottle, vo trondheim us chunt glaub die schlimmst reis nähmlich 12 stund zug fahre uf oslo. z oslo bliebi den au nomel e nacht im hostel - bis mer den am SUNNTIG wieder zrugg nach kristiansand fahret.
ach i freu mi sooo fescht, well bis jetzt hani im land der fjorde noni würkli en richtige gseh.
Was gits sus no z verzelle...hm gester simer nach langem wieder mal in usgang - wells echli günstiger gsi isch, zwei bier für eis. sprich wenn eis bstellt hesch den hesch halt eifach zwei übercho.
D lüüt da sind würkli super, bevor mer in usgang sind sind dä Dodo und i no anes Konzert vo dä Musikstudente vo dä Universität - zersch hemmer glaubs beidi denkt - üüüüh nei gar nid mis. aber je länger je meh hets mer recht gfäget. Es isch eifach chli aspruchsvoll gsi zum zuelose und ebe gwöhnigsbedürftig. Und wo den dä Ustuschstudent vo mitgspielt het (dä britten) gsait het sie heget eigentlich alles improvisiert bini grad nomeh impressed gsi.
morn gahni uf Grimstad und jo mal luege was i döt so erleb.
P.S. Min Briefchaste isch gähnend lehr ;) wenner mini adresse wönd müends nur sege UND wär fotene will schickt mer irgendwie sini mails und denn schicki d links.
Keine Kommentare:
Kommentar veröffentlichen