Und ja ganz ehrlich so viel hani eigentlich no gar nid gmacht. Bin ersch zwei Täg i dä Schuel gsi (bzw. 4 Lektione) und ha en grössere Spaziergang / chlineri Wanderig gmacht.
Und en Trip uf Bergen - Trondheim - Oslo planet. Und natürlich s wunderschöne Wetter gnosse.
Ah jooo am donnstig simma no ame Pub Crawl gsi. Das Spiel funktioniert folgender Masse. Herr und Frau Norweger treffen sich um etwa 17.00 Uhr im Club Kick.
Döt chunsch en zettel über wo 10 verschiedene PUbs/Clubs oder Bars drufstönd die söttsch dä reiä noh abklappere. Übrigens muesch soviel Pünkt wie möglich mache dä gwünner het 5000 Kroner becho. Also Pünkt gits für "wenn alli i dä Gruppe s gliche T shirt a hend", "wenn alli i dä gruppe was trinket", "wenn mer d Ufgab womer gstellt kriegt erfüllt" und wemmer "d schiedsrichter bestächt mitme viel z tüüre Bier"...
Voila und bi dem Pub Crawl isch dä Dennis, ebe falls en Schwizer, uf e wahri entdeckig gstosse...
Ja glaubets - die gröscht und bescht Schwizerband ever het in Norwege gspielt...
Dä Usgang isch wie schomal erwähnt ziemlich teuro. Darum kaufi mir s Bier halt lieber im supermarkt und trinks den da dihei oder verbotniger wiss uf dä felse am meer (i dä öffentlichkeit alkohol trinke isch nähmlich verbote uuuuuh)
Jo also mir sind bispiels wiis mal e wanderig go mache. Oberhalb vo dä "Stadt" z Kristiansand - hets sone Naturpark (ja d Norweger - au wenns im usgang wahnsinnig usebützlet sind - sind sehr naturverbunde).
Du chasch di eigentlich gar nöd Sattgseh - d Kerstin (a Österaicharin) hat gmoont sie het e überdosis a schöne impressione und isch etz scho völlig gaga. oder irgendwia so.
Aber s isch au total schön gsi - und für mi "unsportlichkeit in Person" au gar nöd eso streng.
 |
| City Center of Kristiansand - und den 108° drülle ..... |
 |
| ...hesch underanderem das um di ume! |
 |
| Ich irgendwo i dem gmüetliche Park... |
 | |||||
| a lonely rock! |
Jo also dä Park ebe ;)
nocher simmer nochli id stadt selber gange und sind a dem tolle "kunstwerch" vobi glaufe...
Mal zu dä Schuel. I glaub i han um einiges weniger Schuel wie wenni a dä PH bliebe wär. Und obwohl zum Teil kürs nöd würkli wichtig sind für mi als angehendi Primarlehrerin, denki mal das trotzdem cool sind. Nehmet mir mal Beat Cultur bim Professor (weiss gar nid ob er das isch) - Michael J. Prince. En Amerikaner wo wahnsinnig schnell redet und au scho en wahnsinns Lachafall gha het woner üs het wölle verzelle was eine vo dä Beatles mal gmacht het (was genau wär jetzt viel z kompliziert) - s isch aber au nöd sooo spannend.
D Kurs gaht um d Beat Kultur hauptsächlich z Amerika. Und um die Beat Kultur Gründer: Jack Kerouac, Allen Ginsberg und William Burroughs.
S'isch nöd immer eifach z verstoh - aber es dunkt mi wahnsinnig spannend. Dä eint Ami i minere Klass isch voool interessiert - dä verstoht au alles perfekt natürlich ;) i hingege bi mengisch chli am schwimme und mir s züg selber am zemereime.
Jo da no e chlini Impression vo dä Igangshalle vom Hauptgebäude (vo öppe hundertuusig Unigebäude ;))
Vo üsem Plante Trip uf Bergen (mit Zug) - Trondheim (mit Fjordfähre) - uf oslo (flugzüg) verzelli eu es anders mal. und das i endlich vilicht mal Pottwale und polarliechter gseh ;) hahaha
bis dennnn
P.S. skypet mi doch alvawilhelm ;)
cooool, en blog! nur scho ufgrund vo dene bilder mues es eifach klappe im november!!!
AntwortenLöschenkuss uf norwegen und viel glück bim pottwal sueche.