Kristiansand - dä Ort het öppe soviel Iwohner wie St.Galle...also eigentlich ziemlich bewohnt. Was glaubs im Süde vo Norwege sowieso dä Fall isch.
I ha mir au sege loh das dä Winter gar nöd so krass wird wieni erwartet han - öppe bis -5° defür eifach füecht. S Wetter isch nähmlich eher regnerisch oder windig. Das heisst wenn d sunne schint isch es eigentlich keis Problem zum go bade goh, wells ziemlich war chan sii. Aber es chan au vom einte uf dä ander Moment afange regne - drum sind au scho zwei planti BBQ's usgfalle. Schade Schade.
Ja mal zu dä Lüüt - bis jetzt hani leider noni soviel Norweger kenneglernt - aber i ha mer ebefalls vo andere Studente sege loh (die sind alli scho eh Wuche länger do wie i ;)) das d Norweger uf dä erst Moment ziemlich unfründlich wirket (sie wiichet zum Bispiel uf dä Strass nöd us - erm ja normal oder), aber wenn mer öppis vo ihne will und sie nach Hilf frogt, sind's seehr hilfsbereit. Die Erfahrig hani selber au scho gmacht.
S Lebe in Norwege isch, wie viel vo eu sicher au scho wüsset, eeeextrem Tür. (100 Kroner = 15.5 CHF)
Also woni anere Norwegerin verzellt han das mir Büchsebier für sage und schreibe 60 Rappe überchömet (oder sogar no billiger) het sie grossi Auge gmacht.
I dä Pubs kostet es 4dl Bier öppe 60 Kroner. Im Lade öppe 20 ;) ja chönd selber mal usrechne. Dä Schnaps hani gmeint seg billiger - aber dä chunsch hald nur i Vinotheke über und da hets da grad keini um dä eggä ;) und tatsächlich dä isch no viel türer ;) vom rauche wömmer gar nöd rede.
Defür hend d Supermärkt immer (ussert sunntig), bis am 11i offe. das isch ziemlich easy.
Also mal zu mir und minere akunft...i ha mit dä Adriana es zweier Zimmer bezoge bzw. i han mis zimmer mit kaste und schribtisch und bett und sie ihres. denn hemmer z zweite e chuchi und eh badzimmer. ziemlich easy also.
Mir hend jedoch die erste paar täg kei Gschirr oder pfanne gha - aber das het sich mittlerwiile au erlediget.
D Deckene hemmer siit hüt endlich au eigeni und sind nöd uf die fründliche mitstudente im Wohnheim agwisse. Juheee
Ah vo üsem Wohnheim bis zu dä Uni hemmer z fuess meh wiene halb stund. Das isch ziemlich scheisse. Also hani mir es Velo für 700 Kroner chauft. ziemlich billig ;) und ziemlich praktisch - well da fahret alli mit Velos ume - und im Winter hegis eh nöd würkli viel schnee, also chamer das ja au den bruche ;)
Jo jo das wärs so, well viel hemmer noni gmacht usser e Wanderig in Jegersberg und en Boatstrip zume herzige örtli mit herzige hüsli.
Plant sind uf jede Fall, mit es paar Studente vo Dütschland, en Trip mit em Zug uf Trondheim (Retour über Bergen), und e Elch-Safari....jo hoffemer das s nögst BBQ nöd wieder usfallt...
Keine Kommentare:
Kommentar veröffentlichen